Hafið er undirstaða lífs á jörðinni og velmegunar íslensks samfélags. Í hafinu í kringum Ísland er fjölbreytt líf dýra og gróðurs, meira en við getum ímyndað okkur.
Lífverur hafsins eru okkur framandi en samt svo nálægt okkur, allt í kringum landið.
Sjávarlíf.is er safn ljósmynda og myndskeiða eftir Erlend Bogason kafara, sem færir okkur nýja sýn á veröldina í undirdjúpunum við Ísland.
Á síðunni eru birtar ljósmyndir og myndskeið af fjölbreyttum lífverum sem finnast í sjónum umhverfis Ísland. Myndefnið sýnir bæði algengar tegundir og lífverur sem sjaldan sjást af fólki ofan sjávar.
Markmið síðunnar er að safna saman og miðla myndefni af íslensku sjávarlífi á aðgengilegan hátt. Með því gefst fólki kostur á að kynnast betur lífríkinu sem lifir undir yfirborði sjávar og fá innsýn í þann heim sem kafarar sjá.
Síðan mun einnig halda áfram að vaxa eftir því sem nýtt myndefni bætist við úr köfunum í kringum landið.
Þorskurinn í Lónafirði
Á hverju ári safnast saman þúsundir tonna af þorski í Lónafirðinum til hrygningar. Nú fer bráðum að líða að því tímabili, sem er í lok mars og byrjun apríl.
Þetta er einstakt náttúrufyrirbæri þar sem þorskurinn hrygnir á aðeins 8–15 metra dýpi. Slíkar aðstæður eru sjaldgæfar og gera það mögulegt að fylgjast með þessari mikilvægu hegðun hans neðansjávar.
Því miður hefur þetta svæði ekki verið friðað á meðan hrygning á sér stað og því er enn heimilt að veiða þennan hrygningarstofn þorsks á þessum tíma.
Slíkt náttúrufyrirbæri minnir okkur á mikilvægi þess að vernda þessi viðkvæmu svæði, að minnsta kosti á þeim stutta tíma sem hrygning stendur yfir.
Erlendur Bogason kafari hefur um árabil myndað lífverur neðansjávar við strendur Íslands. Núna eru ljósmyndirnar og myndskeiðin aðgengilegar á þessum vef, sjávarlíf.is. Unnur Ægis ehf. á og rekur vefinn, sem er í sífelldri þróun og smíðum. Á næstu vikum munu fleiri flokkar og tegundir bætast við í þetta frábæra neðansjávarmyndasafn sem verður aðgengilegt bæði á íslensku og ensku. Textana skrifaði Hreiðar Þór Valtýsson, lektor í sjávarútvegsfræðum.
Öllum er heimil notkun á myndunum og efninu á vefnum til að forvitnast og fræðast en vinsamlegast athugið að öll opinber birting án leyfis er óheimil.
Þekkir þú möttuldýr?
Af öllum hryggleysingjum Íslands eru möttuldýr skyldust okkur hryggdýrunum þó ekki sé með nokkru móti hægt að sjá það á fullorðnum einstaklingum. Þau eru af fylkingu seildýra eins og við.