Hrísey – hafið við heimabyggð

Lífríkið í kringum Hrísey í Eyjafirði er einstakt. Hérna er myndband sem við unnum með nemendum í Hríseyjarskóla þar sem þau kynntust hafinu í sinni heimabyggð og því sem þar er að finna.

Við sögu koma hákarlar, norsk síldarskip sem sukku árið 1884, hvalir eins og hnúfubakar, steypireyður og búrhvalir, og svo höfrungar. Tækifæri í sjávarrannsóknum, t.d. á sæenglum og loðnu. Miklir þaraskógar eru við Hrísey sem eru heimkynni þorsk- og ufsaseiða og veita þeim skjól. Auk þess búa þörungar eins þær breiður sem eru við Hrísey, til megnið af súrefni jarðar. Þaraskógarnir eru líka mikilvæg hrygningasvæði fyrir þorskinn og við Ísland eru einu hrygningasvæði þorsks í grunnum þaraskógi en áður mátti finna þessi svæði víða um Norður-Atlantshaf.

Strýtan í Eyjafirði, rétt sunnan við Hrísey, er einstök í heiminum en þaðan streymir út heitt vatn og útfellingar hafa byggt Strýtuna upp og einstakt lífríkið þar í kring. Vísindamenn frá NASA hafa verið með okkur að rannsaka Strýtuna en þar má finna sömu efni og hafa fundist á plánetunni Mars. Rétt norðan við Hrísey er Laugakambur en þaðan er líka heitavatns útstreymi sem er algjörlega einstakt, þar eru ótal lítil op þar sem 65°c heitt vatn streymir út úr klettunum og skapar skilyrði fyrir líf sem finnst ekki annarsstaðar. Þar þarf að rannsaka miklu miklu meira. Þar er einnig svæði sem við uppgötvuðum núna nýlega, þar sem loftbólur streyma upp úr klettunum eins og hann sé að anda með okkur – Sjón er sögu ríkari.